Ég elska select, og sveittu pulsurnar...

Í gær gerðist sá óhugnalegi atburður að nokkrir meðlimir Selectklúbbsins fengu veður að því að hérlendis væri einmitt starfræktur annar selectklúbbur. Ja, ég er ekki að fífla ykkur kæru vinir, fleiri hafa lagt í að stofna klúbb, nauðalíkan okkar. Klúbbur þessi samanstendur víst af um tíu ungum karlmönnum, er stunda það að heimsækja Select er stendur í Öskjuhlíðinni. Þó höfum við ekki heyrt um að drengir þessir hafi lagt jafn mikið í sína klúbbastarfsemi, en þeir eru víst ekki með titla, heimasíðu eða reglugerðir. Ekki bjóða þeir heldur upp á nærbuxur með selectlogoi eða annan söluvarning, sem segir sitt um alvöruleika þessa klúbbs. Því kæru vinir, select er ekkert grín, heldur háalvara!

Lengi lifi select!

Heimildir okkar hafa látið okkur í té mynd þessa af formanni hins karllega selectklúbbs. Ekki er hann frýnilegur kauði þessi.

Eagle-eye

Enn bætist í hóp tryggra Select aðdáenda, Egill "eagle-eye" Halldórsson var vígður ekki alls fyrir löngu að viðstöddum Jakobi "T-boy", Hildi og Ingu. Við krýningu fór Egill alla leið, og torgaði einum langborgara með óteljandi tegundum af sósum og fór létt með. Egill hefur margt til brunns að bera þar á meðal mikla flipphæfileika, bílpróf, afskaplega litla fituprósentu í líkamanum og getur því borðað margar pulsur með góðri samvisku. Bróðir Egill þyrfti að bæta álit sitt á klúbbnum þar sem hann á það til að skammast sín fyrir Select fyrir framan vini hans sem stunda salatbar Eika. Egill neitaði einnig að koma með Ungfrú Ploder á Select í austurríki þar sem Hildur hafði hugsað sér að sýna fram á hvað Select er alþjóðlegt taka nokkrar myndir fyrir myndaalbúm klúbbsins, en nei, hann neitaði. Honum eru þessi litlu atvik eð sjálfsögðu fyrirgefin en er vinsamlegast beðin að útskýra þessa litlu fídusa fyrir yfirvaldinu. En Egill er boðin velkomin.

Skýrsla um pylsuát í Eistlandi

Eistlendingar hafa löngum verið miklir pylsuaðdáendur, þó þeir vilji nú fremur snæða kana. Pylsur má fá um allt Eistland, en þó er sérstaklega hentugt að snæða þær á svokölluðum STATOIL, en það eru hinir Eistnesku staðgenglar Select. Á STATOIL má fá ýmsar gerðir af pylsum, hinn týpíska Frankenfurter, Tex Mex pylsur og fleiri girnilegar gerðir af pylsum. Nú svo má einnig velja um gerðir sósa til að bragðbæta annars unaðslegar pylsurnar.
Þó er samt mikil vöntun á selectstöðum á Eistlandi, en þá má þó finna í Finnlandi, nágrannalandi Eistlands. Heimildarmenn mínir segja mér að Select hafi þó verið til í Eistlandi, en hafi farið á höfuðið, vegna mikillar velgengni STATOIL. "Statoil is simply much better" -Marika Heitur


Sendiherrar Selectklúbbsins í Eistlandi ákváðu að hætta sér inn á þennan eldheita samkeppnisstað Selects, STATOIL, til að kanna hvernig landið liggur, og hvort pylsurnar þar samsvari gæðum þeirra ljúffengu svínagöndla sem hægt er að snæða á Select. Við nánari athugun komust þeir að því að pylsurnar voru enganvegin af sömu gæðum, þrátt fyrir að vera með hinum ljúffengu sósum og bornar fram í brauði, sem verður að fallast áað sé ívið hentugara og snyrtilegra en gómsætt brauðið hér heima. Ekki var boðið upp á kartöflusalat (ee. -Kartul Salat) sem meðlæti, né heldur beikon (ee. - peekon), sem óneytanlega dróg úr gæðastaðli pylsanna (ee.- vorst). Hákon Chopin Jónsson Bjarnason lýsir þessu sem svo; "ekki nógu góðar" og vill Inga Auðbjörg Kristjánsdóttir koma á framfæri að henni þyki "þetta léleg tilraun hjá STATOIL til að sölsa undir sig viðskiptaveldi Select".
En ekki er öll nótt úti enn og eins og sjá má á meðfylgjandi mynd var bærilega ætan mat að finna í Eistlandi ef grant var skoðað og ekki kostaði hann stóran skildinginn, sem er einkar vænlegt og gott fyrir þá selectmeðlimi sem ekki vinna. *hóst*hildur*/hóst*.
Sendiherrarnir mæla því með því að selectpylsuunnendur haldi sig á klakanum, ef þeir þora ekki að hætta á að þeir tapi styrk sínum og matarlyst ef þeir neyta ekki pylsanna frægu er kenndar eru við Select í svolítinn tíma.

Head Aega